മനുഷ്യന്‍, സമൂഹം, ശാസ്ത്രം, രാഷ്ട്രീയം

പല സംഗതികള്‍ക്കും തദ്ദേശീയമായ പേരുകള്‍ ഉണ്ട്. മലയാളിയുടെ മനസ്സിനോട് ചേര്‍ന്നുകിടക്കുന്ന മീനുകളുടെ പേരുകളിലും ഈ വൈവിധ്യം കാണാം. മത്തി എന്ന മീന്‍ മധ്യകേരളത്തില്‍ ചാള എന്നാണ് അറിയപ്പെടുന്നത്. മറ്റു പെരുകള്‍ക്കില്ലാത്ത ഒരു പ്രത്യേകത ഇതിനു ഉണ്ടെന്നു തോന്നുന്നു. വടക്കന്‍ കേരളത്തിലും തെക്കന്‍ കേരളത്തിലും മത്തി എന്ന് അറിയപ്പെടുന്ന മീന്‍ ഇവയ്ക്കിടയില്‍ കിടക്കുന്ന മധ്യകേരളത്തില്‍ മാത്രം ചാള ആയി. മത്തി എന്ന ഒരേ പേര് വടക്കും തെക്കും പ്രത്യേകം പ്രത്യേകം യാദ്രിശ്ചികമായി തിരഞ്ഞെടുത്തത് ആകാന്‍ തരമില്ലല്ലോ. തെക്ക് നിന്ന് വടക്കോട്ടോ (അതോ നേരെ തിരിച്ചോ) ഈ പേര് സഞ്ചരിച്ചപ്പോള്‍ എങ്ങനെ മധ്യകേരളം മാത്രം വിട്ടുനിന്നു!

തികച്ചും യുക്തിഭദ്രമായി ചിന്തിക്കുന്ന പലരും പലപ്പോഴും ദൈവത്തിലേക്ക് എത്തുന്നത്‌ ഒരു വിപത്ത് ജീവിതത്തില്‍ വരുമ്പോഴാണ്. ഉദാഹരണത്തിന് ഒരു വലിയ രോഗം പിടിപെടുമ്പോള്‍ നമ്മള്‍ ചോദിക്കും; ഇത്രെയും മാരകമായതും അപൂര്വ്വമയതും ആയ രോഗം എന്തുകൊണ്ട് എനിക്ക് തന്നെ വന്നു? അത്തരം ചോദ്യങ്ങള്‍ പലപ്പോഴും കൊണ്ടെത്തിക്കുന്നത് ആത്മീയതയിലേക്കാവും. നമുക്ക് ഈ ചോദ്യത്തെ ഒരല്‍പ്പം ലളിതവല്‍ക്കരിച്ച് കണക്കിന്റെ കണ്ണിലൂടെ കാണാന്‍ ശ്രമിക്കാം. അപൂര്‍വ രോഗങ്ങള്‍ എന്നൊക്കെ പറയുമ്പോള്‍ ഒരു 5% മാത്രം സാധ്യത ഉള്ള രോഗങ്ങള്‍ എന്ന് കൂട്ടാം. സത്യത്തില്‍ പല മാരക രോഗങ്ങള്‍ക്കും അതിനേക്കാള്‍ സാധ്യത ആണുള്ളത്. A എന്ന രോഗം പിടിപെട്ട ആള്‍ ചോദിക്കുന്നു; ഇരുപതില്‍ ഒരാള്‍ക്ക്‌ മാത്രം വരുന്നു രോഗം എന്തുകൊണ്ട് എനിക്ക് തന്നെ വന്നു? B എന്ന അപൂര്‍വ്വ രോഗം വന്നാലും അയാള്‍ ഇത് തന്നെ ചോദിക്കില്ലേ? C എന്ന അപൂര്‍വ രോഗം വന്നാലോ - വിഭിന്നമാവില്ല ചോദ്യം. അങ്ങനെ ലോകത്ത് നിരവധി അപൂര്‍വ രോഗങ്ങള്‍ ഉണ്ടല്ലോ. A വരാതിരിക്കാനുള്ള സാധ്യത 95% ആണെന്നത് പോലെ, B വരാതിരിക്കാനും സാധ്യത 95% തന്നെയാണ്. പക്ഷെ, A യും B യും വരാതിരിക്കാനുള്ള സാധ്യതയോ? കണക്കു നോക്കിയാല്‍ ...

ചിലര്‍ വലിയ സമയനിഷ്ഠയുള്ളവരാണ്. മറ്റുള്ളവര്‍ പറയുന്ന സമയത്ത് എത്തിയില്ലെങ്കില്‍ ദേഷ്യം വരും. ദേഷ്യം കൊണ്ട് പ്രത്യേകിച്ച് ഗുണം ഒന്നുമില്ല - ദോഷങ്ങള്‍ ആണെങ്കില്‍ അനവധിയുണ്ട് താനും. എനിക്ക് വളരെ ഫലപ്രദം എന്ന് തോന്നിയതും, പക്ഷെ ശീലിക്കാന്‍ അല്‍പ്പം ബുദ്ധിമുട്ടുള്ളതും ആയ ഒരു സൂത്രം ഇവിടെ കുറിക്കാം. ഒരാളോട് (സമയം പാലിക്കാത്തതിനോ, മറ്റെന്തിനെങ്കിലുമോ) പെട്ടെന്ന് ദേഷ്യം തോന്നുന്നെങ്കില്‍, അയാള്‍ക്ക്‌ ഉണ്ടാകാന്‍ സാധ്യത ഉള്ള ഏറ്റവും ശക്തവുo, നിങ്ങളുടെ ദേഷ്യം ഇല്ലാതാക്കാന്‍ പോന്നതും ആയ ഒരു വാദം വെറുതെ മനസ്സില്‍ സങ്കല്‍പ്പിക്കുക. ഉദാഹരണത്തിന് ഒരാള്‍ വല്ലാതെ വൈകുന്നു എങ്കില്‍ അയാളുടെ കാര്‍ ടയര്‍ പഞ്ചര്‍ ആയതാകാം എന്ന് സങ്കല്‍പ്പിക്കുക. സത്യം മറ്റെന്തെങ്കിലും ആയിക്കൊള്ളട്ടെ, ആ വാദം മനസ്സില്‍ ശ്രിഷ്ടിക്കുന്നതിലൂടെ താങ്കള്‍ക്ക് അയാളോടുള്ള ദേഷ്യം നല്ലവണ്ണം കുറയും. മാത്രവുമല്ല, ഇത് ചെയ്തില്ലെങ്കില്‍ ചെയ്യാന്‍ സാധ്യത ഉള്ള കുറ്റപ്പെടുത്തല്‍ വാദഗതി നിര്‍മ്മിതിയും ദേഷ്യത്തിന്റെ വളര്‍ച്ചയും ഒഴിവാക്കുകയും ചെയ്യാം. എല്ലാം കൊണ്ടും മെച്ചം മാത്രം മിച്ചം. 

ജൈവകൃഷി അനുകൂല വാദങ്ങള്‍ പ്രചാരം നേടുന്ന കാലം ആണിപ്പോള്‍. അതിനെതിരെ ഒരു ചെറിയ വാദം ഇവിടെ കുറിക്കട്ടെ. കൃഷി എന്നത് സസ്യങ്ങളെ നിയന്ത്രിച്ചു മനുഷ്യന്റെ ഭക്ഷണ ആവശ്യങ്ങള്‍ക്ക് മുന്ഗണന നല്‍കി വളര്‍ത്തുന്ന രീതിയാണല്ലോ. മനുഷ്യന്റെ ആരോഗ്യത്തിനു (അത് മുഖേന ആയുര്‍ദൈര്ഖ്യതിനും) മുന്ഗണന നല്‍കി നമ്മള്‍ നമ്മുടെ ആരോഗ്യത്തെ നേരിട്ടും പരിപാലിക്കുന്നു. നേരിട്ട് മനുഷ്യനിലേക്ക് രാസമരുന്നുകള്‍ (പാരസെറ്റമോള്‍ മുതല്‍ അങ്ങോട്ട്‌) പോകുന്നതില്‍ പ്രശ്നം ഇല്ല എന്നത് എല്ലാവരും അംഗീകരിക്കുന്നു എന്നിരിക്കെ, അതിനു സമാനമായി സസ്യങ്ങളുടെ ആരോഗ്യത്തിനും അവയുടെ ഉല്‍പ്പാദനം വര്‍ധിപ്പിക്കുന്നതിലും (അതിലൂടെ കൂടുതല്‍ വയറുകളുടെ വിശപ്പടക്കുന്നതിലും) രാസവളങ്ങള്‍ ഉപയോഗിക്കുന്നതില്‍ എന്താണ് ചേതം! രാസവളങ്ങള്‍ - നിയന്ത്രിത ഉപയോഗത്തില്‍ - മനുഷ്യനില്‍ പ്രശ്നങ്ങള്‍ ഉണ്ടാക്കുന്നില്ല എന്നും ശാസ്ത്രീയമായി മനസ്സിലാക്കിയിട്ടുള്ളതാണ്. എന്നിട്ടും അവയെ എതിര്‍ക്കുന്നെങ്കില്‍ ജൈവവാദികള്‍ മനുഷ്യനിലേക്ക് നേരിട്ട് പ്രവേശിക്കുന്ന രാസമരുന്നുകളെയും എതിര്‍ക്കുമോ? ജൈവകൃഷി വാദികള്‍ കാലക്രമേണ പ്രകൃതിചികിത്സയെയും വാഴ്ത്തുമോ!

ചെറു ഡയറിക്കുറിപ്പുകള്‍ ആണ് ഈ ബ്ലോഗില്‍ ഉള്‍പ്പെടുത്താന്‍ ഉദ്ദേശിക്കുന്നത്. മനുഷ്യന്‍, സമൂഹം, (പുരോഗമന) രാഷ്ട്രീയം, ശാസ്ത്രം എന്നിവയായിരിക്കും പ്രധാന വിഷയങ്ങള്‍.